March 17, 2016
令頭髮更健康?回歸基本-充足睡眠,多飲水
幾年前，店主因受頭髮稀疏問題尋找專家詢問(最後證實我的頭髮完全沒問題:P) 。
談了半小時，問佢點樣能令我頭髮更粗更健康，他答左好簡單一句：訓多啲教飲多啲水。我再追問，如果我食XXX,XXX(一大堆食物名)，會唔會生得快啲健康啲，佢又講：無嫁啦，訓多啲教飲多啲水啦，你食呢啲野無錯可能會幫到你頭髮生快啲，粗啲，但最有效既一定係你多休息同補充水份! 其實頭皮就好似你塊面皮膚咁樣，你訓得多飲得多水，食得健康，你皮膚咪好囉！睇你咁大個黑眼圈！肯定成日夜訓啦！你頭髮咁啡咁黃（店主由細到大頭髮都啡啡地），肯定好少飲水啦！
無錯，佢全部講中曬，雖然到而家我都係成日夜訓(LOL)，但個時開始我每日都盡量迫自己飲多啲水，一有時間就早啲訓，訓夠十個八個鐘，再得閒食下對頭髮健康既野，頭髮真係比我細個時粗左（雖然相比其他人之下都係咁幼-_-) 。雖然唔知係咪真係關訓教飲水事，但起碼事實係，做好呢兩樣野，對你成個人都健康。
不過，口講就容易，要真係做到呢兩樣野，真係都幾難，希望各位朋友睇完呢篇文會留意多啲自己生活習慣啦！
